STEM განათლების მხარდაჭერა თბილისის თავისუფალი სკოლის ერთ-ერთი მთავარი პრიორიტეტია, რასაც ჩვენი მოსწავლეების წარმატებები ადასტურებს: სკოლა ზედიზედ ორჯერ გახდა STEM ოლიმპიადის გამარჯვებული.
საშემოდგომო არდადეგებზე, ტრადიციულად, სკოლა STEM ბანაკს მართავს. ბანაკი 12-დან 15 ნოემბრამდე ცემში, სასტუმრო „განთიადში“ ჩატარდა და I–XI კლასის მოსწავლეებისთვის იყო განკუთვნილი. მოსწავლეებს ელოდათ პროექტები, პრაქტიკული ექსპერიმენტები და მოწვეული სტუმრები.
ბავშვებზე სკოლის აკადემიური და ადმინისტრაციული პერსონალი ზრუნავდა, ხოლო პროექტებზე მოსწავლეებთან ერთად STEM ოლიმპიადის გამარჯვებული გუნდის წევრები და მენტორი მუშაობდნენ.